Kada se od Podgorice krene pitomom dolinom Zete dolazi se u Niksic, drugi po velicini crnogorski grad. Iako prvenstveno industrijski orijentisan, Niksic sa okolinom ima perspektivu snaznijeg razvoja turizma.

Krupacko jezero, Glava Zete, blizina Durmitora, ali i kulturna kreativnost njegovih gradjana, pretpostavke su turisticke atraktivnosti Niksica. Od Niksica se racvaju putevi prema Savniku i Pluzinama.

U blizini Niksica, uklesan u strmu planinsku liticu nepristupacnu osvajackom zlu, a siroko otvoren dobronamjernima, nalazi se impresivni manastir Ostrog. Ovdje pocivaju mosti Svetog Vasilija Ostroskog, cudotvorca i iscjelitelja. Iako ovaj hram pripada pravoslavno-hriscanskoj konfesiji, Manastir Ostrog je stjeciste ljudi razlicitih vjeroispovijesti.